![](../../images/image_text_links/newprint.png)
![](../../images/image_text_links/newlang.png)
back GHALIB
دوست غمخواری میں میری سعی فرمائیں گے کیا
دوست غمخواری میں میری سعی فرمائیں گے کیا
زخم کے بھرنے تلک ناخن نہ بڑھ جائیں گے کیا
بے نیازی حد سے گزری بندہ پرور، کب تلک
ہم کہیں گے حالِ دل، اور آپ فرمائیں گے 'کیا'؟
حضرتِ ناصح گر آئیں، دیدہ و دل فرشِ راہ
کوئی مجھ کو یہ تو سمجھا دو کہ سمجھائیں گے کیا؟
آج واں تیغ و کفن باندھے ہوئے جاتا ہوں میں
عذر میرے قتل کرنے میں وہ اب لائیں گے کیا
گر کیا ناصح نے ہم کو قید، اچھا یوں سہی
یہ جنونِ عشق کے انداز چھٹ جائیں گے کیا
خانہ زادِ زلف ہیں، زنجیر سے بھاگیں گے کیوں
ہیں گرفتارِ وفا، زنداں سے گھبرائیں گے کیا
ہے اب اس معمورے میں قحطِ غمِ الفت اسدؔ
ہم نے یہ مانا کہ دلّی میں رہیں، کھائیں گے کیا؟
Contributor’s notes
Translation notes
گلہ ہے شوق کو دل میں بھی تنگیِ جا کا
ہزاروں خواہشیں ایسی کہ ہر خواہش پہ دم نکلے
محرم نہیں ہے تو ہی نوا ہائے راز کا
دوست غمخواری میں میری سعی فرمائیں گے کیا